吳保錡拍新歌MV繼續做兵

    男子組合Error成員吳保錡 (Poki) 繼《猥瑣》大獲好評後，又推出新作《羅曼蒂克衰亡史》。在這新歌的MV中，Poki與女角的親熱鏡頭更勝上次拍《猥瑣》時，不過Poki笑言：“但今次的親熱程度，都不及我和隊友何啟華在過去於電視節目中的Kiss鏡頭那麼激呢。”

    Poki今次在MV中繼續做兵，但講他同時也是一位精神病患者，他說：“我演的這位精神病人，幻想好多愛情經歷，但全部都係幻想出嚟，最終女方係冇出現過。其實MV都係講緊做一隻兵，你可能會無私奉獻畀你鍾意嘅人，但佢身邊已經有一個佢鍾意嘅人，你永遠只能做佢後備。好多嘢都係我哋呢啲兵自己幻想出嚟，好美好，但都只係虛構。”

    講得做兵，當然要有女角，今次Poki親自找來YouTuber雪瑤參與MV演出，難道想再一次自肥？Poki說：“上次搵咗Heidi（李靜儀），今次想搵新啲嘅面口，睇吓會唔會做到新嘅感覺。”