身兼四職雙喜臨門

    李佳芯處女作網上首播

    李佳芯 (Ali) 昨日宣佈推出個人YouTube頻道，並正式首播她身兼演員、導演、監製及編劇四個崗位為慈善機構“耆智園”拍攝的，宣傳關注腦退化症的短片《伴》，可謂“雙喜臨門”。

    Ali從無製作影片的經驗，可算是由零開始，她唯有碌盡人情卡，找幕後朋友幫手，更因為籌備初期壓力太大而有想過放棄拍攝。她表示：“初初以為慈善Project唔需要好多錢，所有嘢諗得太簡單，到叫人幫手做嘢時，發現要搵到合適嘅人做合適嘅崗位真係唔易，當時真係好徬徨無助，有時喺度諗我咁辛苦為乜呢？老實講我一文都冇收，既然唔係為賺錢，點解我要攞苦嚟辛呢？”幸好最後找到電影編劇幫手寫劇本，加上邀得資深導演兼演員張同祖與她在戲中飾兩父女，令她信心大增。

    Ali 大讚祖哥不但沒有計較酬勞多少，而且還在拍攝時無私分享執導經驗，她表示：“言談間祖哥灌輸了我唔少拍電影的知識，佢話畀我知，對每個作品嘅要求同高度，我喺佢身上睇到佢對電影嘅執着同熱誠，對佢十分敬佩。”

    經過一年的籌備及拍攝，Ali這部心血作品終於面世。她表示：“我原本打算舉行首映禮，邀請長者及傳媒好友嚟欣賞，但由於疫情反覆，最後決定將首映禮移師到網上舉行。我諗深一層，搞首映禮最多都係幾百人入場睇，但呢個Project受眾更多，先會令成件事更有意思，所以最後選擇以網上形式搞首播，大家都可以好方便地免費睇到，影響力先會更加大！”