夠響廣駿打響頭炮

    新馬季今午開鑼，六場草地賽在全闊跑道角逐，兼轉播八場馬來西亞賽事。開鑼日頭兩場為慈善賽。外地賽一時四十五分開跑，本地馬二時正響鑼。騎師除林凱、呂韋勒及余健雄高掛免戰牌，其餘由十二人上陣。綜觀大局，各場出馬踴躍算熱鬧，混戰局面暗藏殺機，賽果熱倒冷爆唔奇。

    筆者心水推介，第四場三班千二米，林宏基廄“夠響廣駿”可做馬膽。此駒上仗同程不敵超班馬，雖敗表現仍佳。唞暑後重新打磨，續由張志立操刀配搭完整，欣逢路合檔佳，可打響頭炮。

    “夠響廣駿”五歲馬處大熟境地，來澳後兩戰千二米獲一冠一亞，水準穩定。上季尾拼後稍事休息，復課操練積極，狀態保持得好，今次重上征途，續跑首本路正合發揮，遇同組快馬不多，出閘搶先有力帶到，值得優先考慮。