曾寶儀自爆父母相識經過

    由曾寶儀主持的《香港人的台式生活》，今個星期兩位受訪者，都在台灣從事飲食業。其中一集的被訪者Ken許，原本在香港、澳洲都經營餐飲業，五年前到台灣接手父親經營多年的茶餐廳生意。

    許爸爸與Ken帶寶儀去到他們在西門町的老店。許爸爸表示當年金融風暴，所以想轉環境，加上許媽媽是台灣人，順理成章揀了台灣落腳，一住到現在。

    聽到許氏夫婦相識的經過，嚇了寶儀一跳，即問對方：“你係咪認識我阿媽，佢以前都係歌舞團，都係去香港唱歌識我阿爸（曾志偉）。”寶儀之後話許氏夫婦的故事，跟自己父母交往經過一樣的，接着她爆料話︰“媽咪都係去香港唱歌識我阿爸，嗰時香港好流行聽國語歌，阿媽嗰時十幾歲、未成年就去咗香港唱歌，識咗我阿爸，然後留喺香港，之後有咗我同阿妹，同許Uncle、Auntie個故仔好似。”