蒙卡炒起本菲卡

    【本報消息】本地甲組足球聯賽，亞軍一席要鬥到最後一輪分勝負。甲足昨晚七時蓮峰球場復賽，次席蒙地卡羅李政霖、積遜齊食出大四喜，九球輕鬆大炒本菲卡，第三的賓菲加則以三比一輕取士砵亭。蒙卡、賓菲加煞科戰正面交鋒爭聯賽亞軍。

    甲足事隔兩個多月復賽，昨晚七時先在蓮峰上演尾二輪的其中兩戰。賽前排次席的蒙地卡羅迎戰本菲卡，蒙卡全場圍攻對手。開波未夠一分鐘，李政霖接應積遜妙傳射入，助球隊閃電領先一比○。蒙卡繼續主導形勢，李政霖十三分鐘撞射梅開二度，僅一分鐘後張海山遠射轟入靚波，加上積遜半場前入兩粒，蒙卡僅半場已五球在手。蒙卡換邊後未收手，李政霖先後在一分鐘內兩度建功，首度食出大四喜。積遜同樣在尾段入夠四球，蒙卡最終以九比○狂數本菲卡。

    賓菲加斬士砵亭

    賓菲加鬥士砵亭上演澳甲版“葡超打吡”，前者實力佔優，開賽僅十一分鐘，即由古達利斯先開紀錄。完半場前，般奴擺烏龍，賓菲加半場領先兩球。換邊後，賓菲加續主導形勢，梁智誠交出靚助攻，張磊單刀快腳笠死出迎的門將林智鵬，賓菲加擴大優勢到三比○。落後的士砵亭至七十七分鐘由卡達利尼建功追至一比三。賓菲加尾段有吳鏵景遠射中楣彈出失機，但仍能維持三比一的勝果。