劉溫馨演奸角被讚入型入格

    無線新劇《白色強人Ⅱ》除了陳豪、胡定欣、郭晉安、馬國明、唐詩詠、張曦雯的演出吸引觀眾之外，其他角色扮演者的演出亦受到讚賞。

    參選港姐後入行的劉溫馨，近年參演了不少影視作品，今次她在《白色強人Ⅱ》中首次飾演大奸角，戲中舉手投足及嘴臉均相當令人討厭，這角色的手段亦狠辣無情，吸引網民關注的同時亦喜獲好評，更與張達倫齊齊被封為兩大“賤精”：“劉溫馨演的角色真係好衰，原來佢可以扮到咁。”“見到嗰啲嘴臉，好想車佢兩巴。”“劉溫馨喺戲中見到手術冇失敗即刻變臉、同張達倫演的Martin一樣，係兩大賤精。”“溫馨不如以後剩係做賤女人角色，真係幾入型入格。”

    又有人問：“點解劉溫馨把聲同以前好似唔同咗咁嘅？”原來劉溫馨為了應付角色的超複雜對白，找來老師苦練廣東話，溫馨說：“今次對白有好多醫療改革等平時唔會講到嘅嘢，所以事前要狂練，喺屋企一路行一路練，練到唔使用個腦諗都可以噏得出為止，都有搵廣東話老師訓練啲咬字。”