周嘉洛全裸露股監製大讚

    《痞子殿下》日前首播，主角周嘉洛在其中一個場口犧牲色相全裸露股，短短一秒已令網友大為驚艷，留言問：“係唔係真身呀？”

    該劇監製Andy受訪時透露，嘉洛拍攝這場戲時，原本有着肉色褲打底，但為了出來效果更好，Andy建議嘉洛全裸上陣，而嘉洛亦二話不說答OK，獲Andy大讚專業。問到為何如此爽快答應“剝褲”，嘉洛爽快回應：“都係為咗效果，對我嚟講無傷大雅。”嘉洛補充指當時更臨急臨忙做安全措施：“監製更幫我一齊做，主要用牛皮膠紙黐住敏感位置。（搣膠紙時會否好痛？）都唔會好痛，因為一浸落水度啲膠紙就會甩，反而係起身時驚穿崩，好彩前面得張頴康一個，佢見到膠紙就甩都擰轉面，好似仲講咗句：我唔想睇，唔好逼我。哈哈！”