張繼聰十月開演唱會

    張繼聰前日於尖沙咀某商場舉行記招，宣佈將於十月十五日在麥花臣場館舉行演唱會，並同時宣佈以個人名義成立時裝品牌，當日也在記招上展示其設計的演唱會Tee。

    前日的記招上，大會宣佈演唱會門票內部訂購反應熱烈，但阿聰笑說“我未落單”，笑言自己都要撲飛。他說：“其實開一場都夠，如果大家唔夠喉，就再加場囉。呢個係審視自己人際關係的時候，如果開騷都冇人買飛，咁就要檢討啦。”

    張繼聰透露演唱會上將展示其珍藏的電單車，更揚言擺在演唱會場地任樂迷打卡：“梗係要擺上台啦，咁樣向有關人士申請零用錢才方便嘛，這電單車其實係道具，為演唱會先買咋。”談及日前的紅館演出意外，阿聰亦表示驚訝：“我有睇過條片，但我是在麥花臣搞騷，所以舞台唔會有太多機關。（網民話Anson Lo出意外後仲繼續唱？）其實表現者在舞台上精神好集中，加上帶咗耳機，佢哋聽唔到現場聲。不如大家為傷者集氣，希望佢哋快啲康復啦。”