盧頌恩見證蝸居變安樂窩

    香港“開電視”節目《空間改造王》備受觀眾喜愛，由李尚正（阿正）及盧頌恩（妹頭）配音，講述日本設計工匠把舊屋脫胎換骨，創造出一個又一個的“奇蹟”。本周日推出的最新一輯香港版《空間改造王》，繼續由阿正及妹頭擔任主持，務求幫助港人將生活居所，打造成Dream House。

    妹頭對開拍香港版《空間改造王》感到驚訝：“幫日本版配音時係見唔到自己個樣，依家成日見到自己同阿正在節目中出現，反而有啲唔慣，感覺既陌生又熟悉。”阿正笑言很榮幸可以主持這節目的香港版：“我諗觀眾想睇空間改造多過想睇我哋，其實感覺好新鮮。製作團隊一路拍攝舊屋翻新的過程，我都學到好多嘢，因為本地的裝修無論技術、條件、物料上，都與日本版有好大差別。”

    拍攝過程中，阿正及妹頭走訪過不同居所、睇過無數裝修，其中最令妹頭難忘的，莫過於一個不足二百呎的單位，經“改造”後變成擁有多個獨立空間的安樂窩。她說：“呢間屋雖然好細，但只要花心思去改造，竟然可以擁有獨立廚房、洗手間、飯廳、睡房、活動室同埋閱讀空間，覺得好神奇。”問到阿正與妹頭可有計劃改造現時的生活空間？兩人異口同聲表示沒有，李尚正笑言：“無論空間改造抑或置業，暫時都冇呢個預算。”