曾路得盛讚新一代歌手

    歌手曾路得(Ruth)日前接受TVB娛樂新聞台節目專訪，大談相隔六年推出福音專輯的感受。她說：“老實講，我真係冇衝動要推出流行曲。因為到咗我呢個年紀，我想做一啲有意義的事。唔係話流行曲冇意義，而係我又要同邊個爭。我真係唔想咁辛苦，我又唔係好似炎明熹咁後生，咁不如做一啲值得做的事，所以我揀唱福音歌曲。”

    曾路得直言有留意新一代歌手，她說：“我好鍾意Gareth.T，估唔到吧！佢只得廿一歲、好後生。好欣賞佢作曲，節奏感好好。另外，我覺得Serrini把聲好獨特、多變化，同一首歌畀佢唱，會有另外一種感覺。炎明熹都唔錯，咁年輕就已經有咁好技巧同感情，唔容易！若唔論年齡，佢已經係一位好成熟的歌手！”

    Ruth又說：“大家一講起曾路得，就諗起《天各一方》，好感恩有人鍾意我的歌。近排重唱《天各一方》係向醫護人員致敬，第五波疫情好勁，見到佢哋好辛苦、好難捱，所以好欣賞佢哋。有一日，俞琤搵到我，我一口答應！就係因為有意義，所以才會重唱。”