陳穎欣拍染髮廣告攰到瞓着

    陳穎欣(Yanny)早前為家用染髮產品拍廣告，變出不同髮色，近日她再添食為該品牌的護髮系列拍攝新一輯廣告。

    拍攝當日，Yanny換上多個造型上陣，展現氣質優雅的一面。提到她的秀髮被客戶賞識，Yanny笑謂︰“當然非常開心，我平時好愛錫頭髮。女仔唔單止要護膚，頭髮都係要保養的。”由於今次要展示如何使用護髮產品及使用後的成果，為求突出秀髮，Yanny造型以露香肩及背為主，亦有低胸上陣及圍毛巾營造在家中洗頭的畫面，非常性感。對於要即場洗頭，Yanny坦言首次在這麼多人前洗頭令她有點怕醜，她說︰“呢一幕拍攝過程好特別，直接在攝影棚拍，駁咗一個花灑出嚟。不過始終唔喺浴室拍攝，所以要好小心，因為周圍都有好多電掣及攝影器材。”

    長達二十小時的拍攝，Yanny坦言拍最後造型時，已攰到忍不住在化妝枱前睡着。但她笑言髮型師比她更辛苦︰“好似拍攝用髮膜嘅鏡頭，為求完美，花咗唔少時間。髮型師就要來來回回不斷幫我吹乾頭髮，再去拍攝其他造型。我計過佢足足幫我吹咗半小時，因為我太大把頭髮，真係非常感謝他。”