耀昌大師快放爭勝

    今六場草地黃昏馬形勢緊湊，馬少場合暗湧重重。尤其落雨打水戰更兵凶戰危，大熱門不宜過捧。練者馮耀正上周連場拼搏摘取三W，現排名升上榜首，錢健明位居次席。馮廄今仗出馬有限，但馬房當旺，仍堪重視。另路人馬史偉恩則強陣應戰，馬房擺出搏殺格，值得吼緊。

    史偉恩今季暫取十七W排名第八位，廄內養馬二十匹計成績不差。練者部署出擊有計劃，馬匹搏完唞過又可再用，尤其一些低分馬喜於混戰場合伺機發圍。今仗六駒參戰，倘遇天雨地爛開正其米路，連場數餬不為奇。

    第一場：未勝出馬千二米。“耀昌大師”近仗連番拼搏未能出頭，上次千五米得第二，馬匹表現仍佳，小休重新打磨狀態勇進。此駒前速可取，今次縮程跑千二米亦合腳法，遇同組對手太弱，憑快放本錢有力爭勝。

    第五場：五六班千二米。“耀昌王子”馬有速度，善放頭跑，此程為最佳出路。上次出閘搶放，惜帶至埋門力弱，無功而返。拼後匆出，今次原程再戰抽到一檔好位，遇同組馬多有缺點，形勢有利。出閘及時放順，帶返唔奇。

    第六場：四五班千五米。“婦好將軍”上次跑淋地用艾比主轡，贏來予取予求，可見跑淋地合脾胃。此駒千五米正合發揮，拼後小休再戰，今次改配徐錦輝戰鬥力不弱。賽日若淋地作戰正如魚得水，憑新勝氣勢出擊，有力添食。