姜麗文獲老公當粉絲撐場

    姜麗文(Lesley)昨日舉辦新歌發佈會，除了老公化身粉絲支持外，身在溫哥華的爸爸秦沛亦親自拍片為她打氣，Lesley感動到眼濕濕。

    Lesley現場獻唱新歌，她表示已有數年未有在觀眾前面唱歌：“感覺十分開心，很珍惜每分每秒。”早前升呢為人妻的Lesley，被問到老公昨日在現場不停為她影靚相有何感覺？她說：“佢平時好少幫我影相，可能佢最近買咗新相機。”談到婚後生活，她表示在洛杉磯結婚後並沒有甚麼改變，直到返港後才有成為人妻的感覺：“真係覺得兩個家庭變成一個家庭，有時會聽到爸爸點同老公溝通。（爸爸係咪呷醋外父？）佢可能係！所以寫咗呢首歌畀佢。佢唔係呷醋，只係緊張我、唔捨得我。”

    Lesley透露在街上及在公司都不停有人恭喜她，何時計劃升呢做媽咪？她說：“順其自然，我心態係Ready，但唔想諗太多，太大壓力唔好。近兩年都好多工作，我好享受。（老公都有共識？）佢好支持我的工作同夢想。（家人有冇催你生BB？）雙方家長都冇催，而且唔係話有就有。”

    昨日係父親節，Lesley說早上已經跟爸爸視像通話：“今晚會跟老公及老爺慶祝。爸爸拍片打氣是驚喜，事前全不知情，難得爸爸守口如瓶，沒露半點消息。”