新片中被惡漢糟躓

    伍姑娘喊驚頂硬上

    伍詠薇一向戲路多變，由電影到電視劇都不斷有新嘗試，早前她在電視劇中演出有精神問題的母親，演技獲得激讚。新片《逃獄兄弟2》中伍姑娘繼上一集飾演譚耀文太太後再客串，角色性格全然不同，但對伍姑娘來說可謂完全冇難度。

    伍姑娘在今集電影中與譚耀文和好如初，但因丈夫被吳卓羲威脅逃獄、派人襲擊她，惡漢不停敲打伍姑娘座駕的擋風玻璃，玻璃碎散落一地及跌在伍姑娘頭上，嚇得她驚惶失措，事後表示：“雖然不是真玻璃，但都距離好近，有輕微損傷，好驚但又好刺激！”

    正式拍攝前，伍姑娘認真聆聽導演麥浩邦講解，又與動作指導試走位，她說入行多年，未試過拍這種被大漢恐嚇的戲份：“試位時見枝棍不停打埋嚟，已經有啲驚，到正式拍攝時，棍棍砰砰聲重擊塊玻璃，真係心驚，但做演員冇辦法，死頂！都係真反應！”另一場在探監室內的戲份，她經過上集和譚耀文合作後開始混熟，大讚對方是好對手：“今次大家摸熟咗，我哋一齊調節對白，做得更好，調節完大家都會心微笑！”

    飾演士多妹的鄧月平，對店內好多八十年代陳設深感興趣，吳卓羲、張建聲、張繼聰等就以哥哥身份同鄧月平話當年。到拍攝動作戲份，鄧月平被吳卓羲推落地再挾持，相當驚險，鄧月平說：“個士多好細，周圍都係玻璃碎，我知卓羲一直都好擔心會整傷我，佢好好，會就住力但畫面睇又好用力，非常專業同值得學習，有幾次我爭啲撼落汽水機個角，跟住佢就提我要識就位。另外士多啲陳設好靚，一打開本雜誌就係張國榮，好吸引，以前我都有儲明星卡。”