江美儀自爆野外如廁瘀事

    由曾志偉與錢嘉樂主持的新節目《講你都唔信》前晚首播，邀請多位嘉賓包括“兄弟幫隊”林盛斌(Bob)、王梓軒及范振鋒，“烈女隊”江美儀、莊鍶敏及黃婧靈（波波）。一班嘉賓以 “人生中最瘀的事”為主題，大爆驚人故事，當中最令人難以置信的是江美儀的“野外如廁”。

    江美儀透露當年與男朋友拍拖期間，原本撐檯腳後甜蜜駕車返家，豈料途中美儀“人有三急”。她笑說：“起初只係溫柔地叮囑男友開快一點，但最終還是肚痛難耐，隨即拿起紙巾就跳車、衝入草叢解決。”結果就因為太匆忙，發生極其尷尬事件。她說：“搞掂之後當然舒服到不得了，我直情覺得是人生最爽時刻。但我忘記一件事，就係佢將車頭燈射住我，我整個過程係畀佢睇晒，好尷尬咯，只好抽返好條褲上車、當冇事發生。”

    口才了得的Bob分享一個爆笑感十足的故事，他透露四、五年前與助手到某工業大廈工作，與數名市民等電梯期間：“遇上一名目測六十至七十歲的阿伯向我大叫‘明星喎’。我當時好有禮貌地打招呼。”但對方繼續搭訕：“嘩！不見你做電視？”Bob心想“冇理由吧”，阿伯繼續說：“我以前好鍾意睇你做大白鯊大姐明、蝦仔爹哋。”Bob才知道阿伯認錯他是盧海鵬了。Bob之後上網認真研究鵬哥後生時的樣子，發現真的幾似樣，更即場在節目中戴上黑框眼鏡扮鵬哥。