新年推個人新單曲

    陳卓賢要行唱作路

    Mirror成員陳卓賢推出今年首支個人單曲，除了繼續親自譜曲，MV更邀來袁澧林擔任女主角。兩人在MV中齊齊扮演精神病患者，在荒郊野嶺上演大逃亡情節。

    Mirror成員陳卓賢(Ian)熱愛唱作，新年剛過就推出今年首支個人單曲《留一天與你喘息》。MV邀來袁澧林擔任女主角，與Ian齊齊扮演精神病患者。

    Ian早前已寫好幾首曲風類同的作品，但最後揀了《留一天與你喘息》的旋律填詞，當然是有特別用意，他說：“呢首歌旋律開始時係情歌，同時帶點溫暖，與我想表達的主題好切合。與填詞人Oscar溝通過後，就寫呢個題材。照字面解，就係在好忙碌、唞唔到氣的生活當中，都可以留出一日同你一齊，令我可以有喘息的機會、放低一啲壓力，因為有你在我身邊。當中表達的你，唔係只得一個人，亦可以係一大班人。”

    Ian更指這是多謝粉絲的作品，他說：“入行以來都有過高低起伏，但每次在台上演出的時候，都望到台下呢班支持者。所以呢首歌有一個更重要的訊息，就係無論世界發生咩事、有幾危險，都仲有大家存在，係一班好重要的人。”

    製作團隊為MV構思了一個有趣的故事：男女主角被標籤為異類，捉入精神病院，在裡面受了很多的苦困，但兩人最終卻逃脫了，得到了前所未有過的自由，可是對於前路卻茫無頭緒。雖然如此，男主角發現其實最重要的人在身邊：無論去到哪裡、做些甚麼，只要一起做，已經很足夠。有了MV藍圖後，製作團隊找來袁澧林(Angela)與Ian雙雙扮演精神病患者。不過Ian笑言：“其實我唔講，大家未必知我係演緊精神病患者，反而純粹覺得我睇一件事有唔同睇法。其實每個人睇每件事都會有唔同睇法，唔代表精神有問題。”

    今次與Angela合演MV，Ian很感激對方參與，令拍攝過程十分順利，他說：“Angela幫咗我好多。我哋第一場戲就要拖手，我本身有啲慢熱，但原來佢好投入，成日講笑令到氣氛冇咁尷尬。”整個MV裡面，Ian最遺憾係冇入礦洞裡面睇，他說：“我第一次入礦洞，幾新奇。但我哋只係在入口來回拍咗幾次，冇機會行入去睇下裡面係點樣，有點可惜。”

    唱作方向尚未定型的Ian，唱作路卻肯定是會走下去，他強調：“不論一個人寫或同人合寫，我個人比較鍾意有自己的創作在裡面。”