簡炳墀激嬲梅姐霆鋒

    曾五度奪得香港冠軍練馬師榮銜、人稱“食力簡”或“簡Sir”的簡炳墀昨日離世。簡炳墀退休前經常在馬經版見報，亦偶爾在港聞版及娛樂版亮相，畢竟是有頭有面人士，風流韻事的傳聞自然多不勝數，儘管當中可能有真有假，但簡炳墀獲不少人歡迎，亦是不爭的事實。

    猶記得在二○○三年，與謝賢份屬好友的簡炳墀，曾經諷刺時年廿二歲的謝霆鋒與王菲拖手是借緋聞上位博宣傳，更訓示應靠實力工作云云；隨即換來霆鋒唔忿氣及反窒：“拖好自己隻馬先啦，大家唔同圈子，一個馬圈一個娛樂圈，要博宣傳的未必是我。”“哎吔契姐”梅艷芳亦力撐霆鋒有實力，更指霆鋒天生“是非命”，更說人紅才會有是非、才會有人寫，只要問心無愧，任由他人怎講也不必放在心上。當記者提及簡炳墀的名字時，阿梅更露出不屑神色：“佢話馬圈實事實幹，咁佢就拉好佢匹馬先啦，娛樂圈關佢咩事？我都實事實幹，佢睇唔起我，我都睇佢唔起！”

    及後簡炳墀得知阿梅的反應後曾說：“阿梅嬲？咁大件事呀！對唔住囉！原諒我呢個老而不，大人有大量、見怪不怪，簡炳墀致萬二分抱歉。我都唔知他們上契，小姐唔可以得罪，我都唔想惹咁多是非。（你踩親梅姐？）我講錯囉！我都向霆鋒道歉、講Sorry啦！”之後簡sir直言一直欣賞梅艷芳，高知名度之餘唱歌又好聽。再之後簡炳墀接受電台訪問時，重提“無心快語”，再就自己的一番說話向霆鋒道歉。他解釋當日只是出於一番好意，因為他一直認為做人要靠自己，不論做歌星還是明星都要做好本份，他只是在圈中見過許多離離合合，怕對方走了歪路，所以才會說出個人見解；繼而再三向霆鋒道歉，才算是平息了風波。

    娛翁