盧瀚霆李駿傑快閃韓國排舞

    盧瀚霆(Anson)與李駿傑(Jeremy)日前專程飛往韓國，與即將來港舉行音樂會的韓國天后彩排，前晚回港現身香港國際機場，數十粉絲在場接機。

    晚上近十二時，盧瀚霆與李駿傑踏出機場向在場粉絲打招呼，雖然二人在韓國的行程緊湊，但現場見他們非常精靈企定定影相。問到誰是神秘天后時，兩人就大賣關子，只透露對方是在舞台很有魅力又野性的火辣天后。Jeremy表示雖然行程匆忙，但與韓國天后排舞感夢幻：“都有啲啲貼身舞嘅，我都唔係好夠膽去觸碰，要表現得好專業。呢次係好期待，我地有傾好多嘢，用咗韓文同佢介紹MIRROR。”

    而Anson就話呢次雖然短短兩日訓練，但感受到韓國對表演的認真：“要等佢嚟香港先可以再排，我都話不如食咗餐飯先排舞，呢次都有少少時間買嘢畀工作人員，今次在韓國時間好忙，一起身就去排舞。”