陳慧嫻為個唱減磅失敗

    前日陳慧嫻在新蒲崗為紅館演唱會進行彩排，清減不少的她與舞蹈員又跳又唱，其間舞蹈員更要將她抱起。慧嫻的演唱會將於本月廿一日開鑼，日前宣佈加開大年初二場，合共演出六場，為配合大年初二煙花匯演，演唱會將延至晚上九時開騷，方便觀眾欣賞完煙花入場睇騷。

    慧嫻笑言難得農曆新年開騷，很想收到大家的利市，相信會更開心。談到演唱會，慧嫻表示其中會有長達十二、十三分鐘的跳舞歌環節，亦會有現代舞和藝術部分。由於有不少歌曲重新改編，她要重新適應及格外留神去唱。至於歌衫，她透露會好靚，因為自己個子嬌小，所以會有傘裙。雖然已清減不少，但慧嫻坦言收身進度仍未達到理想，所以不敢上磅，免自己失望：“我一定要食飯，冬天唔食飯唔夠飽，會唔夠力，不過我已進入非常時期，冇時間做運動。”

    至於演唱會嘉賓，慧嫻透露有同公司的張敬軒和李克勤，每場都會有不同嘉賓。她又指父母和兼兼屆時亦會捧場，並笑指爸爸會做巡場：“老竇話要做巡場收風，佢平時唔會睇其他人嘅演唱會，淨係睇我嘅演唱會，又話我首首歌都好聽。”