梁業穿公仔衫宣傳新歌
男團ERROR成員梁業（肥仔）昨日為新歌《MASCOT》宣傳，並穿着親自設計的ELFA公仔衫快閃銅鑼灣。
肥仔表示ELFA公仔外表好得意又乖，但內裡曳曳哋，覺得很像自己。他說：“其實我好似呢個公仔，心境曳，但唔敢曳！身邊好多個案警惕自己。（想出軌？）我唔敢，有女仔攬我已經好開心。”談到可想整蠱其他成員，肥仔笑言不夠193（郭嘉駿）和吳保錡（保錡）玩，他們經常笑他蠢，又笑指何啟華（阿Dee）靚仔；肥仔亦承認自己有時很蠢，因為太善良，但也想被人騙財騙色。
當提到上星期推出的新歌《MASCOT》時，肥仔笑指新歌MV很有趣，ELFA在MV中跳舞，加上有LED燈飾，令到畫面好繽紛。他說：“最搞笑是借個營地拍MV，點知翌日執笠，但好多謝佢哋借場地畀我拍攝。”提到ERROR將於一月廿五日舉行演唱會，肥仔透露保錡及193在演唱會前將分別推出新歌，惟獨阿Dee無份；並笑謂未睇到今年樂壇市道如何，但發現叱咤頒獎禮不多人爭獎，所以會鼓勵阿Dee出歌，希望對方奪金。
