呂爵安首次作曲兼執導MV

    呂爵安(Edan)在聖誕節送上他首次親自作曲的《純銀子彈》，歌曲MV更由他首次親自執導，一手一腳包辦整個視覺與聽覺上的創作。

    彈琴向來有一手的Edan，今次是首次作曲；除了親自作曲，Edan更首次執導MV，他說：“以往作品都有好高參與度，畀好多意見，或者拍攝上有乜嘢意見都會表達出口黎，但真係自己由零開始參與，度好晒每一個shot，呢個真係第一次嘗試。”

    對於成為MV導演，Edan始發現這個崗位有一定的難度，他說：“我可能腦海中覺得係咁樣，但原來在現場係有好多限制做唔到；剪接上你可能以為得，但身邊人話你知咁樣會好跳，究竟係咪呢？又冇得即刻試，所以呢啲時候就會不斷懷疑。”雖然有一定的難度，但Edan仍十分享受做導演，他說：“做導演好享受就係自己可以參與到個作品，未知成果自己滿唔滿意，但過程一定有啲滿足感喺度，有世界被我掌控嘅感覺、平時冇乜呢種感覺，所以係幾得意嘅一個體驗。”