吳鎮宇單挑甄子丹怕骨裂

    張智霖及吳鎮宇這對好友，再度於甄子丹任監製及主演的新片《誤判》中合作，日前齊齊接受Hoy TV主播俞詠文訪問，分享拍攝趣事。

    張智霖表示在拍攝現場見到鎮宇就會很安心，因為一定會有很好的伙食。

    他又指今次的角色有一定的難度，因為要在熒幕前講粗口，他說：“平時講嘢當然會有某程度嘅助語詞，但係熒幕面前講粗口我就比較少，好容易將助語詞擺得唔啱位，會好唔舒服。呢樣嘢吳鎮宇就講得非常之好，講得好聽之餘，仲要講得冇攻擊性。”

    鎮宇於戲內，有一場單挑宇宙最強甄子丹的戲份，他笑言是為大家發聲：“甄子丹一向係宇宙最強，一個打十個，觀眾都好想見到佢畀人打﹐但今次佢演檢察官，點解唔可以畀人打？佢聽到我話咁想打，就畀個機會我打佢。我梗係唔敢咁大力打過去，我冇練過武術，驚佢震返我轉頭，會骨裂呀！”另外，鎮宇又表示很開心可以和“阿姐”汪明荃做對手戲：“其實久唔久都會見到阿姐，佢見到我會話，嘩！乜你咁大個喇！其實佢畀面唔用個老字。”