黃劍文家中添貓貓成員

    黃劍文自參加《中年好聲音2》之後收穫大班“Kimchi”（歌迷暱稱），已定於明年一月舉辦歌迷會周年晚宴，感謝歌迷的一直支持。日前黃劍文更率先與逾百歌迷齊齊開派對迎接聖誕，當晚劍文一出場就連唱三首聖誕歌揭開序幕，再與歌迷互動合唱多首經典廣東歌，期間兩度落台，走遍全場每個角落跟歌迷開心握手。黃劍文謂：“上次《Stand By Kimman》演唱會握手時間唔夠，今次就補返數。”

    當晚還設有交換禮物環節，劍文早在澳洲時已預備了禮物送歌迷，歌迷也準備了聖誕冬甩蛋糕送給劍文。劍文高興道：“很開心見到大家出席Kimchi Family嘅聖誕Party，唱吓歌、傾吓偈、交換禮物，都用咗差唔多三個鐘，時間覺得好唔夠。非常感恩Kimchi們在身邊支持，有你們我先有動力去表演。”

    劍文更透露今年收到最好的聖誕禮物，就是家中的貓貓早前分娩，為家中增添新成員，令今個聖誕過得更有意義！