王丹妮分享喜怒哀樂

    首次拍賀歲片《臨時決鬥》的王丹妮，除了要動作上陣外，還要苦練忍笑功。王丹妮形容自己是戲中最容易笑的演員，她不好意思地說：“我承認拍攝過程中最忍唔到笑，我之前冇拍過喜劇，所以對我嚟講係一個挑戰，要忍笑真係唔容易。”

    雖然電影短短個多月便完成，她回味拍攝過程中的喜怒哀樂。她說：“‘喜’一齊度笑料好有趣、好好玩！漸漸領略到喜劇說話用不同語調節奏，都會令人笑，我就悟出個道理來，就係認真到極致而突然做埋啲傻表情同反應，有反差反而都會幾好笑。‘怒’方面，就係打拳嘅時候，有時被打中咗幾拳，就會開始出現怒火，其實好幫到入戲，會令自己更加放開，令場戲更好睇。‘哀’睇住我的教練高秋（胡子彤）畀人打，覺得好慘，雖然內心會覺得，自己終於唔使畀人打，今次係睇人畀人打，但係睇到佢畀人打都會有啲心悒，戥佢好慘。‘樂’就一定係在Roll機之前，大家會嗌啲宵夜傾吓偈、講吓笑，對於演員嚟講係好開心嘅美好回憶。”