許冠文想同甄子丹對打

    電影《誤判》昨日舉行謝票活動，監製黃百鳴及演員許冠文 （米高）走勻三間戲院做八場謝票。  米高自爆跟黃百鳴幾十年老友，但好日都不約他，原來就想找他與甄子丹合作拍戲：“當時我開心死啦，我最鍾意《葉問》，就以為搵我拍《葉問5》，其實我一世人都好想打，又有跳舞底，李小龍的功夫，也有加入跳舞動作在內，所以以為可以做個奸角同甄子丹對打，怎知是做法官，即刻好失望，我都要求可以話黑社會來尋仇打法官打一場，但都唔得，因為部戲甄子丹主導，他都未曾知道我有幾犀利！”

    問米高既有舞蹈底子，當年何不向跳唱歌手發展？他笑說：“我有試過做歌星但失敗咗，當年我同阿Sam（許冠傑）一齊唱歌，周梁淑怡就找我們做《雙星報喜》，但幾集之，就叫我集中講笑話，歌就交畀細佬唱，不過我大學隊band，我係主音，只係大場面未夠班，唱歌都要講天份，好難做到一百分。”黃百鳴最近唱《記憶棉》於網上Hit爆，會否一起組男團？黃百鳴笑謂：“我唱歌只係玩吓啫，疫情期間所有娛樂場所都閂了，於是我整咗個band房自己玩，米高都有來玩過，他好唱得架，無觀眾時他好生猛，我話周梁淑怡係錯嘅，係‘誤判’！”