王君馨怕打針自然受孕

    王君馨(Grace)宣佈有孕喜訊後，首度現身公開活動，腹大便便的她雖未有透露BB性別，不過昨日活動中大會送上一套粉紫色親子裝給她，她對紅色BB衫大感興趣。繼港姐麥明詩、何依婷之後， 前港姐亞軍王君馨日前宣佈做人成功，將為人母，昨日Grace穿着短褲亮相，手腳依然纖幼，她表示已懷孕五個月，初期有婬娠反應，但已過了不適期，所以立即出席BB服飾活動搵錢，順道搵BB衫。大會送上一套粉紫色親子裝給Grace，她又搵了一件紅色小斗蓬，似暗示今胎陀女？Grace就笑指男仔未必着藍色，女仔都未必一定着紅色，稍後會公佈BB性別。

    一六年Grace與圈外老公Daniel結婚，結婚八年終於造人成功，她透露去年開演唱會圓夢後便準備造人，不過做身體檢查時發現子宮有個水瘤，做了一個小小的微創手術及休息一段時間，認為懷孕是神的祝福。她說：“覺得依家係最ready，之前為事業衝咗段時間，想要未必有，今年一擊即中，是神的祝福。（自然定人工受孕？）冇試過人工受孕，因為我好驚打針好怕痛，覺得自己有能力自然受孕。”