張曦雯父母回港過聖誕

    張曦雯(Kelly)前日以一身紅裙高貴打扮出席銀行活動，由芝加哥回港的媽咪亦有到場支持。Kelly表示父母和多位親友由美國來港過聖誕，她已預備在家中開派對。她説：“爸爸因為要看舖遲少少先返，過兩天至到港，所以之前已同媽咪快閃東京一個星期，主要都係食嘢同睇富士山，男友都有加入我哋兩日，因為佢識日文，主要負責做翻譯。”問到媽咪對未來女婿是否很滿意，她笑指媽咪一向都喜歡其男友，喜歡程度比她有過之而無不及。

    她指除了父母，還有一大班親友預計有廿五人，她已準備聖誕大餐招呼親友。她說：“屋企傳統聖誕大餐必定要有火雞，仲有我最拿手整的蘋果批，再加上家中工人姐姐廚藝了得，絕對應付得來。”她又稱因為表姐會帶同仔女回港，所以都要準備玩具送給小朋友。

    今年憑三套劇角逐視后的Kelly，高興表示媽咪會留到台慶頒獎禮後才返回美國。關於得獎，她坦言有信心：“就算真係冇獎，今年都儲咗好多成績，會落力拉票。”