曼聯四彈爆拖肥

    【本報消息】曼聯憑拉舒福特及舒克斯各自梅開二度，在英超主場以四比○大勝愛華頓，為新領隊阿摩廉取得英超首勝。

    曼聯今場再次大輪換，由迪亞路、B費及拉舒福特支援舒克斯；愛華頓先收起利雲，由比圖攻堅。拖肥一度反客為主，但被曼聯頂住後，拉舒福特在卅五分鐘接應B費的角球窩利，省中B巴夫韋迪彈入打開缺口。迪亞路在完半場前搶斷後，由B費橫傳舒克斯撞入改寫紀錄。

    曼聯換邊未夠一分鐘藉反擊，迪亞路妙傳拉舒福特射穿碧福特大細梅開二度；表現搶鏡的迪亞路在六十三分鐘又一次搶斷，造就舒克斯亦梅開二度，助曼聯大勝四比○。

    曼聯領隊阿摩廉贏得英超的處子勝利，亦是球隊今季首次單場入四球，回升至上半區排第九，為周中大戰阿仙奴壯行。不過阿摩廉強調球隊遠未夠好：“這場表現遠非完美，過程就像過山車一樣起伏，仍需要時間去訓練及提高。”愛華頓五場不勝排十五位。

    車路士亦大勝，主場迎戰維拉由積遜近門撞入，七分鐘已開紀錄，隨後有彭馬一傳一射，三比○大勝今季狀態下滑的維拉。車仔三連勝升上第三，維拉八場不勝跌至十二位。熱刺在倫敦打吡鬥富咸，熱刺五十四分鐘由B莊臣撞射打破僵局，卡恩尼在六十七分鐘為富咸扳平，最終以一比一言和。