鄭欣宜現芳踪

    肥肥寶貝女兒鄭欣宜，去年四月個唱後，人間蒸發已二十個月，期間傳聞不斷，她在加拿大被野生捕獲，母親墓前飮泣失聲；又傳她生仔……。經理人承認一件事：她在養傷！心傷？體傷？沒有明説。惹人談論的，事業絕不“受傷”。

    欣宜勇奪商台“叱咤樂壇女歌手金像”、“我最喜愛的女歌手”，趁勢個唱，歌唱事業達至高峰……突然消失。芳踪何處，一直成謎——踏破鐵鞋無覓處，得來全不費功夫！

    “我一手捉住佢，大家即刻攬一嘢”——平地一聲雷，DJ梁文禮社交平台發相發文，鬧市遇故知：“我啱啱撞到欣宜……，佢狀態好好，我即刻問：係咪要迎接你復出？佢笑一笑話，‘畀啲時間我’，OK，唔畀壓力你，等你，Really miss you”。

    希望是眞喜訊，就算假喜訊，都是喜訊；網民卻不興高彩烈，紛紛發文“嬲嬲豬”，責駡報料人——“雖然見欣宜狀態好，好開心。但咁樣公開出Post，好似會畀到小小壓力佢。”

    又有網民，批評報料人：“見到欣赏宜，唔應該先問復出，首要問候佢健康。”

    報道娛樂新聞，實太難了。你現在才見到欣宜麼？我早見到了。網民爭相爆料，“我曾於連鎖家私店見過欣宜了。”開心事，竟然讓大家小小不開心——“人哋都叫畀啲時間，你又要出個Post炒流量。”“好心啦，人哋都未Ready要畀人關注；你仲要出来Post make noise你有冇諗過欣宜感受……。”

    好人難做的DJ梁文禮，回應傳媒：“我點解會寫出來，因為，我實在太掛念欣宜，而佢神隱時候， 我成日都會幻想，會唔會撞到佢呢？因為我哋住得好近。點知嗰日匆匆忙忙行過，迎面就看到佢，大家都攬咗一下。然後，我就問她好嗎，跟住交談吓近況。（你是否覺得，欣宜會介意你暴露她的行蹤呢？）我沒有問佢。但原來有咁多人覺得唔應該講出來……，我應該顧慮，不要暴露別人行蹤；但係，我又覺得佢唔會介意。明白嘅，下一次我會小心啲。”

    網民好矛盾，叫你唔好講，自己又好想知——欣宜狀況如何？DJ阿禮透露：“見佢同之前開演唱會嘅時候一樣。所以，我才大膽問佢：係咪接近復出。我明白到，欣宜準備可以唱歌同開騒畀大家睇，佢冇戴口罩同眼鏡，喺條街度，好多人都見到佢！”

    高梁