梁珊“大阿遮”罩片場

    電視台姐仔，文藝腔稱“小花”！通常叫“姐姐”，資深稱“阿姐”。女強人！一代風流，已煙消雲散。衆姐群中，亦有若隱若現的大姐姐——封號“降落傘”，何解？比“大阿遮”更大也。是誰？TVB沒有，ATV有？

    驀然回首，提起姐姐群中的“降落傘”……。因再見電視風雲人物，亞視戰將楊紹鴻，定居泰國，不時返港探親訪友，全是老友了——

    “睇你一大把年紀……。”被訪的梁珊呆住，續聞“仍然風韻猶存”，黑髮童顏的她笑了：“我已經八十歲了！”

    有風韻，亦精神，點解唔出來玩下，拍下電影、電視？梁珊表示：“我都唔知點解，退休二十年，冇人搵我做嘢。”

    “我知點解”，楊紹鴻果然娛圈老將……“一、以你性格，有點高傲，不屑求人。二、那些監製為何唔搵你呢？收得貴！”

    “一般資深老人，人工都比年輕人貴的。”梁珊嚴肅解畫：“我哋入行，唔敢講價，收入好微薄，甚至打折免費。你一路做，年年跟通脹加少少，幾十年積累捱咗幾十年，身價自然多少少，歷經風雨捱返來的。”

    資深老藝人，貴小小，係値得嘅，好使好用，唔會給編導麻煩；甚至幫補編導的走漏眼；有時指導下新人，値回票價啦。珊姐你——至叻就係呢樣！

    “我片場到睇到有錯漏最衰就係忍唔住，鏡頭拍反咗，忙中多不為意，我會咬導演耳仔，‘反咗’靜靜提醒，如果將來補拍！浪費時間，浪費金錢，影響檔期，點解唔提醒啫……。”但係，又怕得罪人……。

    “因為，你係行家，有道理，便服人囉。”楊紹雄緬懷ATV歲月。梁珊是“鳳凰”公司大花旦。廣州珠江電影厰的藝員訓練班畢業……。據梁珊講，她本已考入北京劇校，學額爆滿，南下珠影開分校，派來兩位芭蕾教授，莫斯科深造的，《天鵝湖》專家。梁珊主修舞蹈，又是劇校學生，返回故居香港拍電影。幕前當明星，申請客串場記、副導演，“有機會，點解唔學多些專業”，入了ATV，利人利已，上至監製，下至學員臨記，“眼見不對”，都提意見，幸好都接納，拍攝順順利利。梁珊便有了“降落傘”稱號，點止“遮”身邊幾個人，台前幕後，上上下下，都敢“遮”，是降落傘了。ATV、TVB、HK TVB，當年，梁珊經歷所有電視台，堅不承認是“降落傘”，對藝術理想，曾經“落雨擔遮”。

    高梁