雲浩影與殘影演對手戲

    雲浩影(Cloud)日前為新歌《世界多了一個陌生人》，在一間荒廢唐樓內拍攝MV，由於多年冇人居住，大廈冇電又冇水，而且樓梯入夜後變得陰森，Cloud更與神出鬼沒的“前度”演對手戲，實在考驗演技和膽量。

    新歌《世界多了一個陌生人》由Daniel Toh作曲、周耀輝填詞，Daniel Toh和AF共同編曲和監製。Cloud表示當初聽到Demo時，腦海中已充滿畫面。她說：“感覺好浩瀚，好似兩顆星碰撞，相遇之後再分開。一位曾經最熟悉嘅人，變成陌生人，所以世界就多咗一個陌生人。”今次MV有一位看不到樣子的“男主角”，若隱若現，Cloud說：“男主角喺MV中只有一個殘影。（點做對手戲？）秘訣就係睇佢唔到，導演要求我哋有距離感，所以即使有近距離嘅時候，我都要扮見佢唔到，感覺幾得意。”

    在已荒廢的唐樓拍攝，Cloud坦言好多塵，但因為天氣好，感覺不太差。她笑說：“拍攝組預先講明無廁所、周圍好污糟口架。嚟到有啲陽光，通風幾好，唔太熱，我已經好滿足。”MV拍到凌晨三時，終於大功告成，Cloud心情大好，還唱着歌收工。