否認胸夾周嘉洛個頭

    林秀怡：我得佢都唔得

    前日，林秀怡和劉佩玥(Moon)亮相秀茂坪一間小學，出席奧比斯“蒙眼午餐”啟動禮，與一百二十位蒙眼小學生一同用餐。林秀怡當晚有份演出《萬千星輝賀台慶》趣劇，化身人肉按摩椅，將周嘉洛的頭拉拉向自己假巨胸。劉佩玥讚林秀怡每次演出都用盡全力去做，秀怡稱希望帶到歡樂給大家。被問可會尷尬，她承認有︰“初時未將道具放喺衫入面，係有少尷尬，不過，當時冇塞周嘉洛頭入去，（你同嘉洛洗面呢？）我同周嘉洛其實隔好遠，唔知點解電視睇出嚟好近，其實係冇接觸，我哋唔可以咁樣，我可以周嘉洛都唔可以﹗我同周嘉洛係零接觸，千奇唔好誤會。”

    擔任“愛眼之星”的Moon，在台上又教小朋友護眼法則及進食明目食品，又一齊玩遊戲。阿Moon說，今次一口答應出席活動，因小時候遺傳關係，右眼有外斜視問題，差少少眼睛就會偏去另一個位，都幾嚴重，當時媽咪花了好多心機為她隻眼去奔波，幸好目前情况十分健康。提到她日前在台慶奪得“紅地氈最佳甫士女藝人”獎項，她說很開心，覺得這個獎很有意義，因為當日造型師、化妝師及髮型師都好努力幫她扮靚，縱使沒有獎金，但她都會請團隊吃飯。