陳卓賢MV化身熊仔看人生

    陳卓賢(Ian)今年以故事串連形式陸續推出單曲，來到最後一首作品《玩偶奇遇記》，終揭曉他在故事中所飾演的主角，原來是一隻玩偶熊仔，他更投射自己的個性到這隻玩偶熊仔身上。

    自去年年尾開始，Ian便開始構思創作一個故事，並透過歌曲及MV呈現出來。Ian說：“我喺上年尾開始構思同創作今年呢五首歌，歌曲、故事劇情，以至MV細節，都係一路製作一路微調。主角其實係一隻熊仔，喺每個章節都有熊仔出現。”玩偶熊仔見證着一段愛情的開始，由發展到終結，隨後亦有他自身的經歷，不過熊仔既無話語權，亦未能表達自己的意願。

    《玩偶奇遇記》將一連串故事揭盅，Ian希望能提醒大家，生活上不是所有事情都理所當然，有時要諗闊少少諗遠少少，所有嘢得來不易，要用多角度去想。Ian透露玩偶熊仔亦是他個人的個性投射：“我係一個唔太會表達自己嘅人，所以出一個咁嘅故事，睇下會唔會有共鳴嘅朋友。”Ian相信萬物皆有生命，亦有思想，千萬別漠視他們的感受。