洪卓立江門首開唱爆滿

    洪卓立(Ken)早前首次在江門舉行《The Other Planet另一個星球》巡迴音樂會。音樂會當晚開售的近三千個座位爆滿，更令他意想不到是封塵歌變求婚熱爆歌，Ken還在音樂會上預告下一站將於佛山舉行。

    Ken演出前坦言：“我諗今次觀眾會推介我乜嘢呢？因為上次東莞站粉絲推介我食燒鵝，然後成個粉絲群全晚就係燒鵝嘅食物。第二件事就係諗票房，我未去過江門巡迴，唔知人哋識唔識自己。”Ken自言不擅於表達自己﹐因此每一次巡迴都有想表達的訊息，今次Medley的最後一曲就表達了其核心思想，就是“告別娑婆”。他把過去幾年的一些想法透過歌曲展現，加上自己親手寫下文案，放在現場的畫面與觀眾分享，核心思想就是希望大家不要放棄。

    在演唱最後一首歌《目前》之前，他表示出乎意料地不知道原來大家十分喜歡這首歌，“因為首歌係好耐之前，後尾我先至知道原來有啲朋友係攞呢隻歌求婚。有電台DJ仲話如果老公之前唔係用呢隻歌向佢求婚就唔成功。”引得全場爆笑。Ken笑言：“聽到我好驚，不過都算係為樂壇有少少貢獻，各位男士如果求婚嘅話，可以考慮吓用呢隻歌。”