小恩子演陳友老婆

    “她年輕貌美嫁給我，一直不離不棄，現在變了婆婆……”陳友講創作歌舞劇《娛樂圈夫人》：“講聚少離多太太患重病，命懸一線的故事：劇裡有二十多首歌曲，我唱幾首，主要都是黎瑞恩，小恩子好好，找她有點急，一口答應了。”

    陳友、黎瑞恩，同處娛樂圈許多年，從來沒有合作過，甚至未見過面。“我屬於電影圈的，五年才開一次溫拿演唱會。過往我在內地工作，沒有見過面；當然，我成日都有聽小恩子的歌啦……，‘一人有一個木箱’呀嘛，哈哈哈！”

    “我主動邀請小恩子的——我以太太生病為依據寫了個劇本，好似回望自己的人生……不如將故事變成一個歌舞劇！誰演我的老婆呢？”陳友愼重考慮：“小恩子好唱得，又有人生歷煉，好適合。”而，首次演出歌舞劇的黎瑞恩，自言凈係睇故事大綱，已經邊睇邊落淚，“可能跟我的經歷類似，所以，膽粗粗接了劇本。”

    “我覺得小恩子同我太太一樣。”陳友評價：“溫柔當中帶點嚴厲……。中國女性嚴厲，只係表面，她叫你死佬，以後唔好返來。只係講下，最後都係原諒個老公，從來都係以大局為重。家庭主婦，家庭最重要！所以，作為中國男性，我哋好幸福。唉，我老婆留在美國生活時，我在香港工作。老婆返香港，我返內地工作，不經不覺已經二十年。當老婆患病時候，原來，佢已經等了四十年，驚覺時日無多，仍是聚少離多，要珍惜眼前人了。”

    哲人説過，男人女人，無論在社會取得了多麼大的成就，最大成就：擁有快樂家庭。經歷起伏的小恩子，提起一對子女，立時眉飛色舞……“好彩，他們細細個已經同我好親密，現在長大了，去了外地讀書生活。雖然，我們每日都有通電話，但，我仍然覺得，孩子很想母親在身邊……。所以，我一有時間就飛過去陪佢哋……。”這位慈母，親子時間忙於開演唱會去了……。

    接陳友歌舞劇後，小恩子於十月十八、十九日，匆匆在西九先開了兩場演唱會，臨時有期，唱得唔好嘥。喼弗妙法，減少交際應酬，少吃東西，但，反而胖了。“因有個好朋友叫校長，開餐時，通常不自點食物，只要一杯開水，誰人碟上的好東西，互相搶吃一空。阿倫就是貪食呀，如果減到，仲會靚仔好多。”

    高梁