麥浚龍認自私拒絕做老竇

    麥浚龍(Juno)近日接受HOYTV主播俞詠文(Angela)訪問，將於年尾假會展舉行的《The Album》新章節番外篇所延伸的演唱會，直言事前並沒有預計會開這個演唱會。他說：“因為之前都試過將專輯或者電影上嘅角色放上舞台，咁我就諗返《The Album》呢個企劃，而視點唔再喺董折同埋蒲銘心，反而係講佢個囡囡董蒲，再去了解返佢嘅爸爸。而邊個藝人飾演呢個囡囡，我已經有人選，但係要保持神秘感，到開騷大家咪知囉！”

    講到新歌《天與地的距離》，Juno表示這首歌是一個實驗作品，希望勾起聽眾這四年來的印象。他說：“點解用父女呢個關係去開騷呢，我相信係因為我同我啲貓嘅關係，佢哋咪係我啲小朋友囉！新冠疫情期間，我其中一隻貓走咗，可能呢個係一個啟發，令我去寫一段父女嘅關係。”

    視愛貓為仔女的Juno，直言從未想過生兒育女。他表示︰“如果我係一個爸爸，我相信我係一個好開明嘅爸爸，但亦都可以係一個好自私嘅父親。我唔想做爸爸，因為我有太多嘢想做，做爸爸唔係我嘅to do list。”