蔣家旻未慣被叫周太

    上月與電視台高層周永基在日本拉埋天窗的蔣家旻(Angel)前日接受譚玉瑛（阿譚）、何基佑及黃筠兒主持的《QK玉瑛室》訪問，透露跟丈夫認識差不多十年，拍拖接近兩年便結婚，婚後丈夫更成為她最好的朋友，但仍未習慣被叫“周太”。

    Angel選擇在輕井澤舉行婚禮，皆因喜歡當地清涼天氣，而且早年在網上看到當地的教堂相片後便愛上，所以決定在當地行禮。她說：“行禮當日朝早落咗場雨，但到行禮時就好好天，陽光仲射入教堂，真係好幸運。”鮮有公開談論另一半的Angel，在節目上大讚丈夫充滿責任感，同時給予她足夠的安全感。

    雖然Angel不喜歡做家務，但成為周太後，她會親自下廚，最拿手煮生薑豬肉燒和豉油雞翼。處女座的她有少少潔癖，想所有嘢都好整齊，更會一日吸三次塵。

    提到可有計劃生育，Angel表示：“我想有啲二人世界，兩年之後再想，生BB好大責任，我希望自己有一種好想有小朋友嘅感覺先生會好啲，因為生咗BB就係另一種生活模式，最多生兩個，如果第一胎係女，之後生唔生都冇所謂。”