鄧麗欣明年三月紅館開唱

    昨日是鄧麗欣(Stephy)的四十一歲生日，Fans Club早前為她辦生日會，逾百粉絲出席切蛋糕、唱生日歌、玩遊戲、分享追星點滴，場面熱鬧。

    Stephy在生日會上透露：“我有一份禮物送畀大家，但呢份禮物今日攞唔到住，幾時攞呢？我約定你哋，明年三月……”此時她眼泛淚光，有粉絲似乎猜到並報以歡呼聲，她掩嘴點頭示意猜對了，全場掌聲響動。冷靜幾秒後，她續說：“明年三月紅館見！”台下粉絲立即興奮歡呼，不少粉絲都感動拭淚。Stephy說：“我嘅生日願望真係好簡單，希望大家以最開心、最健康嘅身體嚟睇我嘅演唱會，嗌大聲啲！”全場尖叫。

    十九歲出道的Stephy，有不少粉絲已支持她十幾年，在生日會分享環節，聽到他們的追星故事，和見到他們的珍藏品時已經好感動，不時見她強忍眼淚。她說：“佢哋好多人都支持咗我十幾年，而我好細個入行，佔咗我人生超過一半的時間，全部都同大家一齊過，呢啲經歷得來不易，好值得珍惜。”

    Stephy收到很多粉絲親製的生日禮物，特別開心，Stephy表示禮物不在乎價錢，最緊要係心意。