陳書昕張可欣帶挈導演賺外快

    陳書昕和張可欣在剛播畢的劇集中演出獲好評，隨即與導演羅嘉駿再度合體，為昂坪360拍攝廣告，並展現出兩位少女的青春活力。

    陳書昕喜聞劇集深受網友熱烈討論，初嘗被認出的滋味：“我唔覺得自己人氣高啦，但都有啲觀眾會叫到角色嘅名，希望有朝一日佢地記得我嘅真名。我仲幫劇中演員要求贊助纜車飛，想約埋成班演員上嚟可以開心聚吓！”首次拍廣告的張可欣被導演踢爆曾於片場“發脾氣”，嚇得她不知所措急急解釋：“佢誤會咗我！因為有時拍到好長時間，我企埋一邊唔講嘢，佢就以為我發脾氣。我其實未習慣入行，因為都係第一次拍廣告，加上集合時間有啲早，我係驚到唔敢瞓覺怕唔知醒，希望夠精神頂到全日。”可欣表示想再涉足戲壇，與不同演員合作：“因為拍戲係一個長時間工作，可以大家培養關係去做一件事，不過我真係冇喺片場發過脾氣啊。”而導演則笑指今次是得到兩位少女“帶挈”自己賺外快。