阿梅生辰粉腸作怪

    “一朶玫瑰，生辰快樂”，袁詠儀祝梅艷芳冥壽。十四年來，情依舊。結緣於《金枝玉葉2》一見如故，兩人情如姐妹，靚靚稱呼“阿梅”阿姐。人夾人緣，學生時期，聽阿梅歌曲長大，丈夫張智霖個唱，袁詠儀首次登台，就是唱梅艷芳的《夢伴》。感情深厚，更佩服阿梅的待人態度：“她公平地對待每一個人，不會因他是老闆就怎樣。你是小工她就怎樣。她工作時間，對每個人都一視同仁！我們憑甚麼擺架子……。”

    日本嫁到香港的粉絲Ikyyo“當年，也喜歡成龍；看演唱會，迷上了梅艷芳，好厲害……。”香港媳婦的日本女粉絲：“我鍾意《鏡花水月》，電影《一屋兩妻》（一九八七年）。當年網絡尙未盛行……”Ikyyo表示：“如果要睇梅艷芳演出，或買梅艷芳的音樂作品，要靠朋友從香港帶回日本給我，或自己飛到香港買碟。第一次睇佢演唱會，係一九九〇年，專程坐飛機來香港……。”一直以來，香港歌影視衝出世界，有華人的地方，都聽到香港歌曲。地道日本人，對成龍、梅艷芳，仍念念不忘，他們坐飛機來香港睇戲睇演唱會。文化，是軟實力，推動經濟的平台，有些國家，資助影視，培養偶像，視為國家發展的國策……。以前，説香港具中西交匯的獨特文化；現在，又提出，深化香港藝術，加強中華文化。香港歌影視，全是中文講中國人的故事。香港文化本質是中華文化，但，隨意加進了各國文化的精華。我們的迷哥迷姐是世界性的……，紀念阿梅，可惜她從沒唱過英文歌、法文歌，也未拍過西片；她的《壞女孩》、《將冰山劈開》，獨特唱腔，多麼西化！

    煞風景是，悼念梅艷芳的場合，旣悲又令人啼笑皆非——今年不例外，有一位男子大呼小叫：要搵梅艷芳的媽媽，也是他媽媽。

    他透露會懸紅呼籲幫手尋梅媽……。搵得着緊，“我希望佢眞眞正正同我主持呢個婚禮，（前妻未離婚，是否重婚？）“我們一定要佢現身，主持婚禮。（是否要媽媽負責埋單？）“我要任何方法，少少花紅乜都好，都要阿媽出來，希望佢見證和安全。我而家報咗案。（如果你阿媽唔現身，是否都舉辦婚禮呢？）

    後記 ：阿媽不現身不舉行婚禮，至孝？莫財？百歲老婦娶新抱，居然“唔好搞我”。梅媽代言人聲明——“呢條粉腸係趁梅姐生忌搞事。”

    高梁