菊梓喬新歌MV換形象

    菊梓喬(Hana)最近為古裝劇《長相思》演繹港版主題曲《愛失去以後》，以全新方式拍攝新歌MV，一別過往較為靜態形象。她戴住耳機聞歌起舞，又在床上揈手揈腳，與Hana平日的慘情形像截然不同。

    《愛失去以後》是Hana轉會後第二次唱主題曲，上次拍《萬年》MV上山下海熱到飛起，今次佢為大家爭取福利，在室內有冷氣的地方拍攝：“今次MV幾得意，同一般MV有啲唔同，大家想知我失去愛以後會做啲咩？咁就要睇MV啦！”MV中有兩個截然不同的造型，一個是較為動感的，穿上小背心的Hana罕有騷出事業線；而另一造型是比較感性的，她邊唱邊淚流披面，未知是否觸動往日情傷。

    最近Hana與保錡傳出緋聞成為城中熱話，兩人又會否有合作或合唱的契機？“呢樣就難啲，我嘅工作都比較單一。”（對方唱RAP都好勁喎）“其實我自己嘅歌都有一定曲風，好少去跟風。”Hana希望未來有多啲衝擊，可以嘗試多些曲風，甚至參與拍劇、出外拍綜藝都無問題。