王智騫范麒智首獻唱

    兩大型男王智騫(Martin)與范麒智(Kenji)，近年以男男CP上陣，俘虜大批粉絲。日前，兩人首次聯手舉辦《Kenji Fan范麒智 & Martin Wong王智騫──1st Fans Meeting》，吸引逾二百粉絲到場支持。

    為了在今次的見面會帶給粉絲歡樂，Martin與Kenji施展渾身解數，還即場獻唱冧歌。雖是首次開金口，但表現不俗，令粉絲如痴如醉，更有粉絲大叫Encore。其實在活動舉行前兩星期，Martin與Kenji就積極為獻唱排練，更每日淨係瞓兩、三個鐘左右。Martin笑言起初擔心有冷場出現，不過眼見粉絲表現投入，他總算放下心頭大石。

    談到活動中最難忘的環節，Martin與Kenji異口同聲指絕對是“讀信”，二人在此環節更哭成淚人。Martin說：“封信係開騷前幾日已經寫好，係我直接對Kenji同埋粉絲表達嘅心聲。估唔到自己會一邊講一邊咸，我從未試過喺大眾面前咁坦白表露心聲。”Kenji自言有很多話想同Martin講，所以當他寫信時已經流眼淚：“坦白講，我有預計喺呢個環節邊講邊喊，但我冇諗過當時情緒會波動到咁。”