肥媽黑妹攜手再開唱

    香港樂壇兩位殿堂級歌手肥媽(Maria Cordero)與李麗霞（黑妹），自二○一七年“黑 · 媽媽笑住唱”演唱會後，樂迷反應熱烈。為回饋樂迷支持，今年“媽妹”終於成功申請在十二月十三至十四日於伊利沙伯體育館場地舉行“媽妹笑住唱PartⅡ”演唱會。

    肥媽興奮表示：“其實我哋一直都搵緊場地想開騷，始終開實體騷先能夠聽到觀眾歡呼聲，同佢哋互動，到時說嘅、唱嘅、跳嘅都會特別有能量！”而黑妹表示：“自上次‘黑 · 媽媽笑住唱’演唱會，好多歌迷都話唔夠喉，又話要聽多啲我哋兩個合唱，我自己其實一樣咁期待呀！終於等到今次開騷。”由於兩位“媽妹”身邊親朋好友紛紛表示要搶票支持，演唱會未開售，兩位已經積下不少“飛債”。

    較早前肥媽跟黑妹姐拍攝“媽妹笑住唱PartⅡ”海報，雖然當天的拍攝時間較長，但當影樓一播出勁歌，兩位“媽妹”馬上充滿能量，邊唱邊跳，完成整個拍攝。而今次演唱會主題以開心搞笑為主，故兩位當日拍攝的幾個造型都相當百變，而且充滿色彩，讓兩位“媽妹”難以取捨。