周吉佩處男個唱門票秒殺

    入行十六年的周吉佩（吉吉）終迎來人生首個演唱會，定於下月三十日在麥花臣場館舉行《周吉佩第三人生演唱會》，門票於前日其生日正式開售，並在一天內全部售罄，難怪他說這個卅八歲的生辰對他別具意義，而愛妻號的吉吉亦選擇了和太太安靜地慶生。為慶祝首個個唱門票在開賣首天全部售罄，吉吉即時拍片放在個人社交媒體上多謝樂迷的支持，他說：“好開心真係喺生日嘅呢一日，收到一份好驚喜嘅禮物，就係我嘅演唱會畀大家買晒所有嘅飛，多謝大家，真係好多謝一路以嚟粉絲嘅支持。”

    吉吉表示很多朋友和歌迷都買不到門票，希望演唱會能加場，他現正和主辦單位商討當中的可能性，一有加場好消息便立刻告訴大家。他又說：“好多謝我身邊好多嘅貴人同前輩，好多朋友嘅愛戴，希望大家入到嚟呢個演唱會入面，可以感受到我嘅一啲心思，希望可以畀大家睇到我除咗《第三人生》嘅呢個階段外，也認識我嘅《第一人生》同《第二人生》，我哋一齊起飛，多謝你。另外都希望透過呢個演唱會，可以帶大家穿梭唔同嘅時空，去感受返你哋嘅第一、二、三次人生究竟係點。”