張家輝自揭《中聲》粉絲

    近日忙於為新片宣傳的張家輝，日前接受無線娛樂新聞台主播王鎮泉（泉叔）訪問時，自揭是《中年好聲音》的忠粉，更大讚節目勵志又正面。

    家輝又指真心認為節目好成功，他說：“我覺得呢個節目好成功，我真心口架，呢個節目畀咗中年人一個機會，佢後面嘅故事係感性嘅，呢個係節目嘅元素，亦因為呢啲元素，令到節目好睇咗。我自己睇得好開心，睇佢哋點樣晉級、點樣好努力，係一個正面嘅節目。”問家輝會否考慮上節目做評判時，他坦言直頭想做參賽者，並促請無線搞藝人版《中年好聲音》節目。

    家輝過往曾在無線節目大展歌喉，為了呼應家輝的訪問，無線娛樂新聞台專誠剪輯了家輝當年於綜藝節目《回到未紅時》中對着愛人關詠荷高歌《真情流露》，搞到關詠荷感動到又笑又喊，淚崩的關詠荷更一度要拿紙巾拭淚，場面感人。而最搞笑的是家輝唱到尾聲時忽然說：“跟住唔鬼記得口添！”並對着關詠荷說：“唔好喊啦，喊乜嘢啫，又唔係第一次唱畀你聽！”關詠荷即扁嘴兼撒嬌謂：“我開心得唔得啫⁈”