黃智雯自資追夢計劃

    去年底離開無線的黃智雯(Mandy)，最近宣佈在她的YouTube頻道播出半真人Show計劃，內容以追夢、勇氣及情緒宣洩等為題，她希望透過今次計劃宣揚正能量。

    一直以來，黃智雯都有一個夢想，就是自主拍一個節目，然而過去忙於拍劇的她，遲遲未能實踐夢想。如今機會終於來臨，Mandy決定自資拍攝半真人Show節目，暫定共五集。早前她在網上公開招募有關夢想及勇氣等的故事，她說：“今次計劃可以話係由零開始，由籌集故事到拍攝，都係自己落手落腳去搞，過程中，最大困難係挑選故事，因為收集咗好多不同類型，每個故事內容都好好，但又唔可以全部拍出嚟，所以係好傷腦筋。”

    半真人Show計劃開始前，黃智雯決定先為支持她多年的Fans Leader實踐夢想，發放驚喜，為對方籌辦神秘生日派對，作為是次計劃嘅前傳！為了今次神秘派對，Mandy可謂絞盡腦汁，除了為粉絲們親自下廚外，亦即場開金口獻唱多首歌曲。當中包括由粉絲作曲、填詞的《慢遞》，令粉絲既驚喜又窩心，她說：“呢首歌係粉絲送畀我，當時佢哋用咗我啲角色名去填詞，不過今次我就將啲歌詞再填過送畀佢哋，因為有啲說話都想透過歌詞講畀佢哋知！希望可以憑歌寄意，亦係我第一次嘗試填詞！”