《企業強人》花車巡遊

    張曦雯爆譚俊彥拍壯陽廣告

    劇集《企業強人》昨日於港島區進行花車巡遊，視帝陳豪、譚俊彥、張曦雯和姜大衞等人出席活動，現場吸引了很多圍觀群眾。活動上宣佈劇集於內地社交平台視頻播放量高達約八億，劇集首播七天跨平台總收視廿一點九，截至第五集七天跨平台總收視為廿三點三。

    陳豪對劇集收視表示好滿意，自己都好喜歡看這個劇集，覺得這部劇集扣人心弦。另外，陳豪不少心擦傷手踭位，要即場貼膠布。

    張曦雯指看到網上的留言，知道劇集偷了好多人的眼淚：“有啲人睇到好激昂，同埋成套劇嘅訊息都好正面，希望觀眾鍾意。”她又表示今次劇集中有好多突破性畫面，例如她會戴頭套扮演光頭，由一個女強人，到後期轉變成一個柔弱女子。

    譚俊彥指只要出街就知劇集是否有好多人觀看：“平日速遞員見到我都冇乜反應，但係近日就好像好仇視我，好似我真係炒咗佢哋魷魚咁，同埋我成日問啲朋友睇唔睇得明，佢哋都話睇得明，仲話我係壞人。”另外，譚俊彥還笑稱好羨慕陳豪劇中飾演的角色能夠接觸好多女藝人：“佢有前妻同現任，啲女都畀佢媾晒，個個都有質素。”提到陳豪的早年劇集中光頭造型被網民廣泛流傳，他笑言作為無線演員一定要有一個光頭傍身，又指自己好想再拍古裝劇，已經等咗好耐亦唔介意光頭。

    至於譚俊彥近日為男士保健產品拍廣告，他表示那款產品適合做有氧運動前吃，可以令運動更加持久。隨即被張曦雯踢爆那款保健產品是用來壯陽的，然後譚俊彥問張曦雯她男朋友需不需要，張曦雯即不斷笑着說：“唔需要。”然後譚俊彥笑言：“唔使問，直接擺一箱係佢門口，不過我以前真係做gym前食，所以生咗咁多個，都算有啲副作用。”