溫碧霞飛西班牙拍寫真

    前日是溫碧霞(Irene)和丈夫何祖光的結婚二十四周年，Irene特意趕回香港與丈夫慶祝，隨後又返回北京工作。Irene表示：“呢個月真係好忙，每次影寫真都係我保持身材嘅好機會，最近我保持喺最fit嘅狀態四十七公斤，好開心！用嚟迎接我嘅新戲《謊島美人魚》上映，同埋十一月嘅演唱會，返嚟會加緊練歌，暫時會喺廣東省開三場演出，之後再到內地其他城市，希望未來能夠有機會喺紅館開演唱會。”

    溫碧霞(Irene)上周飛往美國，與電影製作人洽談新片計劃，隨後又馬不停蹄地飛往西班牙，拍攝她的最新寫真集《Life Style》。Irene身穿多套華麗長裙，穿梭於兩地的名勝之中，毫不吝惜大曬纖腰和白滑玉背，包括一輯黑白“床照”，露出修長美腿，相當美艷動人，她笑言：“給大家睇住少少先，寫真集相片更多更靚，到時再給大家仔細欣賞。呢本寫真係送畀我啲粉絲最好嘅禮物，感謝佢哋咁多年嚟對我嘅支持，無論我身在何處，佢哋總係喺我身邊，所以好多謝佢哋。”除了拍攝靚相，Irene與攝影團隊一起品嘗當地美食，她興奮大讚歐洲的雪糕相當美味。