馮允謙跑步練氣備戰個唱
將於十月再次假紅館舉行三場唱會的馮允謙(Jay Fung)，前日身穿秋冬裝出席時裝品牌活動，同場還有陳蕾、談善言及謝咏欣。
Jay透露現在日日為個唱備戰，早晚跑步練氣之餘，還要做Gym及排舞，雖然吃力，但效果好，整個人都消瘦不少。他又分享練氣方法：“自三年前疫情開始，我都係戴住口罩跑步，（唔窒息嗎？）覺得條氣係好咗，但我唔鼓勵大家咁做。”問到做Gym是否準備在演唱會上騷肌，他說：“暫時未得，努力中，但一個月後可能可以，不過年紀大咗三年，發覺新陳代謝慢咗，但我一定會跳舞，相信捧場嘅歌迷主要嚟聽我唱歌。”至於嘉賓，Jay表示要保持神秘感。
另外，他又稱在加拿大的家人、女友及親戚屆時會來港睇騷，他已準備請家人食飯。
