周慧敏宣佈唔再開演唱會

    周慧敏(Vivian)前晚（八月卅一日），在澳門倫敦人舉行《地老天荒愛一場世界巡迴演唱會》的首站演出。

    甫開場，周慧敏以歌曲《自作多情》及連串快歌作揭幕。她向歌迷打招呼︰“剛才啲快歌好似帶返我去九十年代，諗返第一次個人演唱會《九四美的化身演唱會》，自己當時跳舞似機械人。不經不覺，你哋就跟我卅年！我見到觀眾唔止有八○後、九○後，仲有○○後小朋友，歡迎你哋一家人嚟睇我個騷。呢卅年人生，充滿意想不到嘅事，真係冇諗過自己仲企喺舞台上。我要送呢個騷第一首慢歌《台下女主角》畀我人生第一位支持者，我天上嘅媽媽！”

    演唱會尾聲，Vivian突然宣佈今次是她最後一次個人大型演唱會。她強忍淚水表示︰“今次巡演，我同自己講要用最純綷嘅心表演、為愛我嘅人唱歌。人生去到唔同階段，追求同需要都會有好大改變。今次呢個巡演，每一場都係倒數時間，今次應該係我最後一次個人大型演唱會，因為我覺得時候差唔多喇，要專注照顧自己身體、家庭。我啲貓仔都唔細，我想多啲時間陪貓仔，同先生（倪震）有更多共處時間。”